Aït Menguellet

Paroles : Tiregwa - 3ème chanson / Aït Menguellet     Ajoutées par : LeBylka

Lehlak i d-ǧǧiḍ deg-i
Ur yesɛa amdawi
Ẓṛiɣ mazal ad ɛettbaɣ

A tin i ɣaben am yetri
Muqleɣ s igenni
Steqsayeɣ itran ḥettbaɣ

Bɣiɣ ad iniɣ kulci
Ugadeɣ tili

Acuɣeṛ ugadeɣ tili
Amer ad tini
Kecc ṛuḥ nekk ad qqimeɣ

A yabrid ttun medden
Lehduṛ siweḍ-iten
I tin meḥḥneɣ di lǧeṛṛa-w

Xas ṛuḥ nekk yidem ar nebḍu
Fiḥel ara d-neḥku
Mačči d kemm i d ssebba-w


Leqyud i s i-d-i-yurzen
Ḍḥan-d akk garrzen
Ḥṣiɣ teqɛed snesla-w

Lmektub i d-iruḥen
Yenna-d ayen ayen
Mi d-tusiḍ teggiḍen ayla-w

Am di yir targit kecmeɣ
Leḥḥuɣ ur faqeɣ
Wekleɣ ṛebbi i zzher yetṣen

A zzin arqaq ur kesbeɣ
Mačči d i uksaneɣ
Ur nudaɣ i d i yuɣen

Mi tt-bɣiɣ ur d i yi-tebɣi
A lkaysa eǧǧ-iyi
D asirem-iw i yemmuten

A lwaldin anfet-iyi
Xas textaṛem-iyi
D nekkini i yettewten

Ɣef yisem-im yuzzel leqlam
Yessaweḍ-am-in sslam
A tin i si yecbeḥ kulci

A yiṭij yekksen ṭṭlam
Ul-iw yeqqar-am
Ɣur-m ad tayṣeḍ arǧu-yi

A lxux i d-ṛebban waman
A ttejṛa yefsan
Tura qṛrib ad nemwali

D aɣṛib ur zegreɣ lebḥaṛ
Nnuɣeɣ d ṣṣbaṛ
Eṛẓiɣ ẓẓeṛb-is yeɣli

---