Artiste / groupe : Aït Menguellet
Genre : kabyle
Vrai nom : Abdenbi AïT MENGUELLET
Naissance le : 16/01/1950
Paroles : Tiregwa - 4ème chanson / Aït Menguellet
Ajoutées par : LeBylka
Lemnam-agi yeskiddib
S kra d yesqizzib
Mačči d ayen I d-ttafeɣ
Abrid ɣur-m ur yeqṛib
Mi qqleɣ d aɣṛib
Yewεer yid-m ad mlileɣ
Ayen I nurga ur t-neksib
Qqaṛen ur yektib
Ma yusa-d targit teffeɣ
D wagi mi qqaṛen anṣib
Almi wwiɣ lεib
Tesseḍlem-ḍ iyi ur ḍelmeɣ
Seg wass-nni acḥal I rniɣ
Ussan I wumi cfiɣ
Ala telt eyyam di lεemr-iw
Rḥiɣ aṭas I yelḥiɣ
Ur iban ma εyiɣ
εeggu yekcem tannumi-w
Rennun-d wussan ur ẓṛiɣ
εebbaɣ ur ukiɣ
εaṛṛqen-iyi lehsab-iw
Tura aqli-yi la ttnadiɣ
Amkan anda I rriɣ
taɣzalt I yezdeɣn ul-iw
nnuɣeɣ yid-k a yul-iw
eḥkiɣ leɣbayen-iw
I win yeqqazen iẓekwan
Nwiɣ yeɣza-s I lhem-iw
Yenṭel urfan –iw
Ziɣ d ijdiden I d-yennulfan
Zzin-d akk s aqaṛṛuy-iw
Mi tebεen lateṛ-iw
Ula d widan nwiɣ εeddan
Mi tarkeb tawla igenni-w
Ḥṣiɣ zzehṛ-iw
D asawen I tεebban waman
Sameḥt-as yeggul s lḥir
Wul-iw ur neffir
Alammi s-εewǧen lecɣal
Sani ad nɣiwel ad nezwir
Lukan I nezmir
Lamaεni yexreb-aɣ lfal
Ay akken I ktaleɣ ur telhi
Ixarb-iyi lebni
S anga ugadeɣ I yettuɣal
A txaṛṛaq targit yes-i
Kul wa iṛuḥ sani
Kul yiwen lǧiha ɣer i yemmal