Ideflawen

Paroles : A Muḥend ay aɣeddu / Ideflawen     Ajoutées par : mohouvouj

Wagi i d-ibedden
I wakken ad n VOṬI fell-as
Testewtiweḍ-d I medden
Iles-ik amzun d aḥlalas
Akken i as-neqqar kullas
Wa ibennu wa yetthuddu
Tura keččini kemml-as
A Muḥend ay aɣeddu
Anda teddiḍ ad neddu
Win yewwetn imziḥeḍ ḥiwel-as

Wagi i d-inegzen
I waken ad ten-err d nabi
Medden akk ɣur-s i nunzen
Sebḥan-k Llah ya Rabbi
Attayen kan aḥbibi
Win xḍan ak yini
Aɛudu billah Ma yebɣa Rebbi
A Muḥend ay aɣeddu
Anda teddiḍ ad neddu
aɣ yerr akk d « les zombies»

Wigi d yettuɣalen
I wakken aɣ-d-rren tafat
Ttun akk ayen i nawlen
Ḥala ayen iɛeddan ifat
Tura mi d arbeḥ nenfat
Tamurt tuɣal d abandu
Mkul wa ayen ibɣa yufa-t
A Muḥend ay aɣeddu
Anda teddiḍ ad neddu
Ad d nuɣal swadda i ccufat

Nekni akk d arraw-inek
A wagi i d-ilulen
Aqli-aɣ akk s idis-inek
Ma tenwiḍ dayen i isehlen
I yeḍran i muḥalen
I as-yeqqimen d acuddu
Deg tmurt iderɣalen
A Muḥend ay aɣeddu
Anda teddiḍ ad neddu
Imi d iberdan malen


A kra yezwaren deg yiman-is
A wigi yettxebbizen
Win ur nekmiz iman-is
Ulac win ara as-ikemzen
Yeqqim-d win yelluẓen
Anef-t-as ad yesluddu
Mkul wan sib-is yewzen
A Muḥend ay aɣeddu
Anda teddiḍ ad neddu
Ḥala kunwi i d-irgazen

---