Si Moh

Paroles : Nadam / Si Moh     Ajoutées par : mohouvouj

Ẓẓel ad yerzu nadam
Sdaxel n wusu seddaw lɣemm
Taxxamt yesberk-itt ṭṭlam
Tettak-d cbih s allen-inem
Yuɣal ɛawazyeṭṭef amkan
Yezwi nadam ɣef allen-iw
S tqendurt cebḥen lelwan
Yessers-ikem-id di lmux-iw

Yewwi-kem-id ɛawez ɣur-i
Yessers-ikem-id ɣef lecfar
Yessers-ikem-id ɣef yeẓri
S tqendurt cebbḥen lenwar
Ɛawaz lelwan i d am-yexter
Ddan fell-am dayen-nni
Lelwan n teslit n wunẓar
Ɣef-i d teḍwa tiṭ igenni

Sarrḥeɣ i lɛeql-iw iɣas
Ikess ǧǧiɣ-t ad yehmel
Yewwi ttesriḥ, fkiɣ-as
Yedha s lferḥ-iw yemel
La ttarguɣ m-bɣir nadam
Ass-a ccerk iḍ-iw yidem
S nnur-im terẓiḍ ṭṭlam
Mi tbeddel-ḍ i yiḍ udem

Truḥeḍ-iyi-d deg wuqerru
Ṭul n yiḍ telliḍ di lbal
Lexyal-im yugi ad yibru
Tesbeɣḍ iḍ-iw s umellal
Ayen akk âwezɣ ad teẓreḍ
Am tin yaru seg-i leqlam
Leqlam ad t-yefk i lkaɣeḍ
Lkaɣeḍ ad nyarzu fell-am

---